coello, -a

Mamífero da familia dos lepóridos coas orellas tan longas como a cabeza e as patas traseiras máis longas ca as de diante que vive en estado salvaxe e tamén se cría como animal doméstico para aproveitar tanto a súa carne como a súa pel e do que existen varias especies

Etimoloxía

O termo procede do latín cuniculus co mesmo significado entre outros.

Exemplos *

“Levaba atravesado na boca un óso que non parecía de animal coñecido, coello, galiña ou porco.” (Bautista Álvarez: Retallos daquela infancia / O panteón das Martiñas, 2013)

“Mercábase casa propia cun hortalexo atrás onde cultivar grelos, patacas, cebolas ou leitugas, onde criar unhas galiñas ou uns coellos e onde plantar froiteiras ou flores.” (Carlos Sixirei Paredes: A emigración, 1988)

* As citas da Palabra do Día respectan as escollas ortográficas e morfolóxicas da edición referida.