Especie de pinzas de pau con que se collen e abren os ourizos para tirarlles as castañas
Etimoloxía
Vocábulo derivado sobre “coller” que vén do latín colligere ‘recoller’ ou ‘reunir’.
Exemplos *
“Antes apañábanse as castañas nos soutos das fragas. Apañabas as que xa se soltaran do ourizo, e os ourizos que non abriran collíalos cunhas colledoiras feitas con varas de carballo, e levábalos en paxes ás corripas.” (Asociación RuralC.: “O caldo de garulas” en https://historiasdevilacha.home.blog/2018/12/02/o-caldo-de-garulas/ [visto: 19-10-2022])
“As colledoiras (Monfero), escolledoiras (Paderne), esbilas (Ortegal) dependendo da zona onde o escoites, é a ferramenta usada para apañar os ourizos. Hainas moi elaboradas e que son usadas durante anos, e hainas feitas no mesmo momento para saír do paso.” (AA.VV.: “Colledoiras, escolledoiras, esbilas” en https://castanasdacurripa.wordpress.com/2021/10/10/colledoiras-escolledoiras-esbilas/ [visto: 19-10-2022])
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
