compás

Instrumento composto de dous brazos articulados por un extremo, que serve para trazar curvas regulares ou para medir.

Etimoloxía

Púidose tomar dunha forma francesa ou derivar do verbo compasar, formado a partir de paso, do latín passus, -us.

Exemplos *

“A terra poeirenta foise enchendo de liñas que se cruzaban ou converxían formando polígonos multiformes: triángulos diminutos, rectángulos imperfectos, rombos abertos e ata algún hexágono que semellaba trazado a compás.” (Xurxo Borrazás: Costa Norte/ZFK)

“Eu só entendo de xeometría. Sen un compás na man síntome coma un anxo sen ás.” (Xavier Lama: O serodio remordemento do amor)

* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.