decembrar

Chover fortemente e en abundancia durante moito tempo.

Etimoloxía

Deriva de decembro, voz que chegou da denominación deste mes en latín, december, -bris (mensis)

Exemplos *

"Sentiu que o reclamaba o rumor dos regueiros cando decembra, e chimpouse de capitón no leito." (Bieito Iglesias: A historia escríbese de noite)

"Decembra, señor Holmes. Non saben a sorte que teñen de poder pasar este tempo caroal ó acollido, arrimados ó lume e contando contos." (Bieito Iglesias: O mellor francés de Barcelona)

* As citas da Palabra do Día respectan as escollas ortográficas e morfolóxicas da edición referida.