desvelar

Privar alguén do sono, non deixar durmir

Etimoloxía

Termo formado sobre “velar”, que chega do latín vigilare ‘vixiar’, ‘non durmir’ ou ‘estar alerta’.

Exemplos *

“Máis vale pobreza en liberdade ca unha morte segura, pra quen non ten remorsos que o desvelen...” (Daría Xohán Cabana: Morte de Rei, 1996)

“Despois, desvelado, ergueuse do leito e chamou miudiño na porta da alcoba de Carmiña.” (Luís Manuel García Mañá: O lume de Santo Antón, 1997)

* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.