diario

Periódico que se publica todos os días

Etimoloxía

Termo que procede do latín diarium, -i, ‘pagamento dun día’ ou ‘rexistro escrito diario’.

Exemplos *

“Papá pintárao nos anos de Madrid, cando escribía crítica de arte nos diarios capitalinos e estarricaba unha fama de bohemio facundo polos paseos de Alcalá.” (Bieito Iglesias: Contos da terra da tarde, 2011)

“Naceron diarios dixitais, entre eles Vieiros e A Nosa Terra” (Camilo Nogueira Román: Galiza na unión. A porta atlántica, 2008)

* As citas da Palabra do Día respectan as escollas ortográficas e morfolóxicas da edición referida.