disfrace

Vestido e máscara que se utiliza nalgunhas festas e sobre todo no Entroido para mudar de aparencia e evitar que sexa recoñecida a persoa que o leva.

Etimoloxía

Non está clara a súa orixe, probablemente relacionada coa forma antiga desfrezar 'disimular'.

Exemplos *

"O Mozo, que levaba unha sorte de disfrace improvisado no que destacan pola súa condición choqueira o sombreiro, o nariz e o mostacho …" (Roberto Vidal Bolaño: Bailadela da morte ditosa)

""Debo disfrazarme", resolveu Ganga e remexeron no armario de Lola un disfrace aquelado." (Antón Lopo: Ganga)

* As citas da Palabra do Día respectan as escollas ortográficas e morfolóxicas da edición referida.