elfo

Xenio que, segundo a mitoloxía nórdica, habita no aire e simboliza os fenómenos atmosféricos.

Etimoloxía

Chegounos no inglés elf, pero remóntase a unha forma nórdica antiga, alfr, que tería a mesma orixe ca o latín albus ‘branco’.

Exemplos *

“Os Elfos, transmutados pola maxia literaria de Tolkien en heroes de beleza perfecta, son os ananos propios de toda a Europa nórdica e central …” (Luís Giadás: O Correo Galego 10-12-2000)

“O esposo de Ariadna convocou aos elfos máis benévolos para que fosen eles en axuda. E chegaron así cabo dos socalcos e das veigas farturentas.” (Xosé Vázquez Pintor: Os vellos oficios)

* As citas da Palabra do Día respectan as escollas ortográficas e morfolóxicas da edición referida.