enfermeiro, -a

Persoa que ten como profesión coidar enfermos baixo a dirección do médico

Etimoloxía

Derivado a partir de enfermo, que procede do latín infirmu “débil” e o sufixo -eiro/a.

Exemplos *

“Foi o doutor Clará quen avisou a policía logo de facer o propio cos enfermeiros, por se fose necesaria para algunha cousa...” (Pedro Feijoo: Os fillos do mar, 2012)

“Logo apareceu novamente o dentista, dándolle ordes ó enfermeiro e bromeando sobre a tranquilidade con que se traballaba polas noites.” (Francisco Alonso: Cemiterio de elefantes / 02.00 AM, 1995)

* As citas da Palabra do Día respectan as escollas ortográficas e morfolóxicas da edición referida.