Realizar unha actividade antes de ser executada definitivamente en público, para asegurarse do resultado ou saber como vai saír
Etimoloxía
Verbo que deriva do substantivo “ensaio” e este vén do latín tardío exagium 'acto de pesar'.
Exemplos *
“—Rebentada de tanta clase de ballet, de contemporánea, de moderna, de danza jazz, de butoh, de tango, de danzas do mundo, de flamenco, de danza do ventre, de técnica Graham, de Reiki... Toda a vida a ensaiar, a estirarme, a forzar as extremidades ata extremos insospeitados.” (Santiago Cortegoso: A filla de Woody Allen, 2016)
“—Ti, ou sexa, o actor é a parte máis importante do teatro, de modo que vamos ensaiar para que todo saia ben, veña.” (Eduardo Alonso: Teatro improvisado, 2006)–
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
