epílogo

Última parte dun libro, un poema, un discurso etc., que resume o que se dixo anteriormente.

Etimoloxía

A palabra procede do latín epilogus, -i e este do grego epílogos que significaba 'conclusión'.

Exemplos *

"E Leandro remataba esta historia cunha especie de epílogo, que era, e resultaba doado percibilo así, aínda que el tratase de disimulalo, tan importante para el como a propia historia" (Camilo Gonsar: Arredor do non)

"Acaba de aparecer unha nova edición de Historia dun paraugas azul (Xerais) que engade os epílogos que o propio autor excluíu na primeira versión." (A Nosa Terra 29-03-2007)

* As citas da Palabra do Día respectan as escollas ortográficas e morfolóxicas da edición referida.