Arte e deporte de montar a cabalo.
Etimoloxía
Chegou desde o latín equitatio, -onis, creado a partir de equus, -i 'cabalo'.
Exemplos *
"Os débiles ocúpanse das cousas que non esixen forza corporal pero os homes robustos, avezados desde a infancia na equitación, consideran deshonroso servirse dos pés." (Mª Xosé Queizán: Amantia)
"… unha mocidade no mellor colexio -ensinanza en inglés e alemán, informática, equitación– con remate dun ano nun instituto de Wisconsin." (Jaureguizar: Comendo espaguetis diante da televisión)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
