(Leuciscus carolitertii) Peixe de auga doce da familia dos ciprínidos, de corpo alongado, cabeza ancha e cor marrón agrisada con reflexos no dorso e amarela ou verdosa no ventre.
Etimoloxía
Chegou desde o latín squallus –i, que se aplicaba para outro peixe.
Exemplos *
“... presentou unha moción para exixir da Consellaría de Medio Ambiente unha actuación inmediata para solucionar o problema de masivas repoboacións realizadas, onde se observan especies como escalos ...” (Xurxo Pérez Pintos e Xosé Bouzó Fernández: As bioinvasións na Galiza)
“O escalo pasou da cana ao prato, rebozado en fariña de millo e cun grato sabor ao que acompañaron tamén os pementos.” (Galicia Hoxe 04-08-2008)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
