escano

Banco que ten respaldo e un asento que serve de tampa a unha especie de caixa formada por este moble, e que pode ter unha táboa móbil utilizada como mesa.

Etimoloxía

Aparece desde latín scamnu, –i 'estrado' ou 'trono' e este do verbo scandare 'subir', 'elevar'.

Exemplos *

"Ningún dos outros irmáns vivía na casa, así é que Lino durmía só na lareira, enriba dun escano." (Xosé Miranda: Infancia e desventura de Lino Carrán)

"Seguín a dar voltas arredor da cociña cheo de inquedanza e volvín sentar no escano con aqueles cinco paisanos ben arrimadiños á parede diante de min." (Hixinio Puentes: O bandido Casanova)

* As citas da Palabra do Día respectan as escollas ortográficas e morfolóxicas da edición referida.