escravitude

Condición ou estado de escravo.

Etimoloxía

Denominación abstracta formada por sufixación sobre o substantivo escravo que procede do latín medieval sclavus que viña do grego sklábos que significaba 'eslavo' pero como os bizantinos e xermanos escravizaron a individuos dos pobos eslavos na Idade Media houbo un cambio de significado.

Exemplos *

"Non coñecen a escravitude, nacendo todos de sangue libre." (Mª Xosé Queizán: Amantia)

"Si, daquela dicíase que a escravitude estaba abolida, que os negros eran libres coma os brancos." (Xosé Manuel Martínez Oca: As florestas do Mañuema)

* As citas da Palabra do Día respectan as escollas ortográficas e morfolóxicas da edición referida.