Serie encadeada de reaccións psicolóxicas e fisiolóxicas que padece unha persoa ou organismo sometido a situacións de ameaza ou estímulos nocivos
Etimoloxía
Adaptación do equivalente inglés stress.
Exemplos *
“Todos padecen estrés, pendentes de todo e desconfiando de todo o mundo constantemente. Iso non é vida.” (Nacho Carretero: Fariña, 2019)
“Os domingos estou tan desfeito que só quero guindarme no sofá e descansar. Vivo con tal estrés que nin sequera durmo ben de noite.” (Úrsula Heinze: Delirios de pracer, 2018)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
