faboco

Faba pequena e redonda con pintas

Etimoloxía

Palabra derivada sobre “faba” que procede do equivalente latino faba co mesmo significado.

Exemplos *

“Estaban a nai  as cinco fillas i a Malvina. Pois o Amador tiña sido chamado a filas. Comemos un guisado de carne de vaca con patacas e fabocos.” (Antón Alonso Ríos: O siñor Afranio ou cómo rispei das gadoupas da morte (Memorias dun fuxido), 1979)

“Despois dunha hora de sesión intermitente cunha pluma de galiña choca, logrou que librase con éxito o tal couso: un faboco brillante de cor verde escuro.” (Euloxio R. Ruibal: De corpo enteiro / Mingos de Beade, 1994)

* As citas da Palabra do Día respectan as escollas ortográficas e morfolóxicas da edición referida.