Peto que levaban as mulleres na parte interior da saia, ou ben solto atado á cintura, usado normalmente para gardar os cartos.
Etimoloxía
Formouse a partir de faldra, que probablemente se tomase dunha forma do fráncico *falda ‘dobra’.
Exemplos *
“Dalia sacou da faldriqueira unhas cadelas e convidou a Filo, que non aceptou o xeneroso ofrecemento da amiga a pesar do tentador atractivo de Vicente Parra.” (Bieito Iglesias Araúxo: Vento de seda)
“Debaixo das saias a muller adoitaba agochar a faldriqueira, onde gardaba os cartos e outros obxectos de valor.” (Xavier Castro: Servir era o pan do demo)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
