Profesión dos comediantes e actores de teatro, e todo aquilo que está relacionado co mundo do espectáculo
Etimoloxía
Préstamo do francés farandole ‘danza provenzal’.
Exemplos *
“Tania adaptábase bastante ben ó mundo das bambolinas e da farándula, e non se lle presentaron, nunca, especiais problemas dignos de ser reseñados.” (Francisco Castro: Amor de Cinema, 1994)
“Estas dúas mulleres, coñecidas como as dúas Marías, representan un dos máximos expoñentes galegos no mundo do teatro, a farándula e o espectáculo.” (A.C.P.: La Voz de Galicia, 08-03-1995)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
