farinxe

Cavidade que se atopa a continuación da boca, onde se cruzan o aparato dixestivo e o respiratorio e que comunica co esófago, fosas nasais e larinxe.

Etimoloxía

Aparece desde o latín da ciencia pharynx, –yngis 'farinxe' e este desde o grego phárugks, –uggos 'gorxa'.

Exemplos *

"Este tipo de peixe seca os dentes, absorbe tódalas humidades da lingua e mailo padal e atranca a cima da farinxe." (Xabier López López: O caderno)

"Non son doutor! _a lingua inchada atrapallábaselle contra a farinxe e o pánico impedíalle respirar." (Xurxo Borrazás: Costa Norte/ZFK)

* As citas da Palabra do Día respectan as escollas ortográficas e morfolóxicas da edición referida.