floreo

Adorno que se intercala entre dúas notas iguais.

Etimoloxía

Formouse sobre florear, que á súa vez se creou a partir de flor.

Exemplos *

"Nota de adorno ou floreo: é unha nota que entra pasaxeiramente na parte non acentuada do compás e regresa á nota principal." (Mónica Groba Lorenzo: Introdución á linguaxe musical)

"Como esta noite que cando daba un floreo de maracas polo aire, caeulle unha delas …" (Xosé Manuel Martínez Oca: Os culpables)

* As citas da Palabra do Día respectan as escollas ortográficas e morfolóxicas da edición referida.