fogoso, -a

Que é moi apaixonado no amor.

Etimoloxía

Adxectivo creado sobre fogo que vén do latín focus, –i 'lume, estufa'.

Exemplos *

"Supoño que sabedes das visitas que recibo a cotío dese fogoso Bernardo, pois aquela xanela vosa dá á horta que me ten arrendada o Príncipe Escala." (Roberto Salgueiro González: Eliana en ardentía ou Bernardo destemplado)

"Escolleu a un rapaz novo e fogoso, dos que aínda eran capaces de acender os ollos diante duns peitos nus e procuraban deleitar ás súas amantes." (Francisco A. Vidal: A derradeira decisión)

* As citas da Palabra do Día respectan as escollas ortográficas e morfolóxicas da edición referida.