fonética

Conxunto dos sons dun idioma en relación á súa pronuncia

Etimoloxía

Palabra que procede do termo grego phonetikós ‘relativo ao son’.

Exemplos *

“A súa preocupación levaríao a deterse na súa fonética, no seu léxico e mesmo a explicarnos: "Por qué debemos falar galego"” (Marga Romero Lorenzo: Viaxes e construción do pensamento. Viaxes e viaxeiros na Galiza anterior a 1936, 2011)

“O resto, a maior xuntanza de actores galegos coa peor fonética galega escoitada.” (Roberto Pascual: Tempos Novos, 11-2005)

* As citas da Palabra do Día respectan as escollas ortográficas e morfolóxicas da edición referida.