friúra

Calidade ou estado de frío.

Etimoloxía

Deriva de frío, que vén do latín frigidus 'frío'.

Exemplos *

"A friúra da auga fai que Suso esqueza a dor da caída e nade cunha forza nova para entrar en calor."  (Antón Riveiro Coello: Homónima)

"Quedara durmida sen abrir antes o botón da calefacción.

O cuarto estaba teso de friúra." (Úrsula Heinze: Remuíños en coiros)

* As citas da Palabra do Día respectan as escollas ortográficas e morfolóxicas da edición referida.