Rapaz que comete pequenos enganos ou fraudes con habilidade e sen malicia
Etimoloxía
Palabra que nos chega desde o francés galopin de significado semellante.
Exemplos *
“–Ves o que está a acontecer, por andar de galopín e non ir a escola e non vir á catequese non sabes onde está Deus!” (Celsa G. Hermida “Viñoa”: Anacos, 2001)
“–Pouco para un home da miña condición, que me dixeron que arredor da catedral andaban moitos galopíns e buscavidas, e que non era moi prudente andar coa bulsa chea.” (Manuel Portas: Lourenço, xograr, 2017)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
