gambito

Xogada do xadrez que consiste en sacrificar, ao principio da partida, un peón ou unha peza para lograr unha posición favorable.

Etimoloxía

A súa orixe é italiana, en concreto está na forma gambetto 'cambadela', derivado de gamba 'perna'.

Exemplos *

"O gambito de cabalo inicial, […] veuse abaixo de seguida cando […] conseguiu trocar o cabalo do contrario por un dos seus bispos." (Manuel Forcadela: Paisaxe con muller e barco)

¡A min con gambito de dama! (Tomás Barros Pardo: Tres pezas de teatro)

* As citas da Palabra do Día respectan as escollas ortográficas e morfolóxicas da edición referida.