garatuxa

Demostración de cariño que se fai a unha persoa con aloumiños e con palabras de afecto

Etimoloxía

Crese que a palabra poida vir do occitano antigo gratuza ‘rascadoiro’.

Exemplos *

“Ao entrar facíanos unhas garatuxas e, de cando en vez, depositaba unhas boliñas de anís nas nosas mans.” (Paco Carro: Tempo ordinario (Historias de Compostela) / O amigo do meu pai, 2014)

“A neve é nova e vella, ten mil anos e tamén se nos presenta como un meniño capaz de sorprendernos coas súas garatuxas.” (Pedro Rielo: Galicia Hoxe, 19-11-2010)

* As citas da Palabra do Día respectan as escollas ortográficas e morfolóxicas da edición referida.