gótico

Estilo artístico que se estendeu por Europa na Idade Media, caracterizado, en arquitectura, polas altas columnas, as elevadas bóvedas cruzadas e os arcos oxivais, e, en pintura e escultura, pola progresiva desaparición das formas hieráticas do Románico

Etimoloxía

Palabra que vén do latín tardío Gothicus ‘relativo ao godos’.

Exemplos *

“Alí permaneceron uns momentos, en silencio, alleos ós esforzos que un día fixera Eugenio de Egas por concilia-las esencias dun gótico florido coas innovacións renacentistas.” (Carlos G. Reigosa: Crime de Compostela, 1984)

“Pero a máis bonita de todas segue sendo a Igrexa de Santa Ana, fronte ao famoso canellón Piliés, onde residira o coñecido poeta polaco Adam Mickiewicz. Obra do gótico tardío, construíuse con ladrillos de trinta e tres formas diferentes.” (Xulio Ríos: ¿Que foi daquel soño? 1992)

* As citas da Palabra do Día respectan as escollas ortográficas e morfolóxicas da edición referida.