Colección de xornais e revistas ordenada e á disposición dos lectores.
Etimoloxía
Formouse cos elementos gregos hemero 'día' e teke 'caixa', 'depósito'.
Exemplos *
"Tiña xa un novo nome, Carlos Franco, do que sabía por noticias relacionadas cos polígonos de vivendas, non lembraba cales, xa tería tempo para furgar na hemeroteca e na páxina web." (Manuel Portas: Denso recendo a salgado)
"… vas querer buscar outra información, que é máis antiga e non vai estar informatizada… baixas á hemeroteca e dislle a Ubaldo que che bote unha man." (Marilar Aleixandre: A compañía clandestina de contrapublicidade)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
