herba das feridas

Herba das feridas
Herba das feridas

(Hypericum perforatum) Planta da familia das hipericáceas, perenne, erecta, de caule de ata un metro de altura con moitas pólas, follas ovadas ou lineais e flores amarelas con manchas negras.

Etimoloxía

Para esta denominación tomáronse dúas palabras con raíz latina, herba, que xa tiña esta forma no latín, e ferida, procedente do verbo ferire ‘golpear’.

Exemplos *

“A nai coñecía as herbas para sandar: a herba da sarna, a herba das feridas, a herba das almorrás, a valeriana…” (Mª Xosé Queizán: O solpor da cupletista)

“… todo tipo de plantas, algunhas das cales teñen aplicacións curativas como a herba de San Xoán, chamada tamén herba das feridas …” (Albino Mallo: O Correo Galego 12-05-1999)

* As citas da Palabra do Día respectan as escollas ortográficas e morfolóxicas da edición referida.