imaxinar

Formar na mente a imaxe de algo

Etimoloxía

Palabra que procede do verbo latino imaginari onde xa significaba ‘imaxinar’.

Exemplos *

“Michael Ende, n'A historia interminable , esa novela magnífica que tamén nos fala da patria da infancia, imaxinou unha brétema terrible, o Nada, que avanzaba poderosa cara ao País de Fantasía, facendo desaparecer todo o que atopaba ao seu paso.” (Agustín Fernández Paz: O rastro que deixamos, 2012)

“O dragón tamén perdera unha das súas ás, que Iria imaxinou orixinariamente estendidas.” (Elena Gallego Abad: Dragall III. A fraternidade do dragón, 2012)

* As citas da Palabra do Día respectan as escollas ortográficas e morfolóxicas da edición referida.