isóbara

Liña que nos mapas meteorolóxicos une os puntos onde a presión atmosférica era igual no momento en que se efectuaron as observacións simultáneas.

Etimoloxía

É o resultado de unir os elementos gregos iso 'igual' e baro 'presión'.

Exemplos *

"A súa vida está aquí, coas súas treboadas, as marusías, as isóbaras e o anticiclón." (Xosé Manuel García: Novos autores)

"Por máis que lle atendera ao barómetro e falara das isóbaras co patrón, os movementos, os sons producidos levábano a ver a batalla do mar co vento como combate de cousas animadas …" (Xavier Paz: Follas de bacallau)

* As citas da Palabra do Día respectan as escollas ortográficas e morfolóxicas da edición referida.

Axúdasnos a mellorar? Pechar

A túa opinión impórtanos. Queremos saber como usas o Portal das Palabras, que che gusta máis e se botas algo en falta.

Enredarache moi pouco tempo!.

Cubre a enquisa aquí