lagarto

Réptil da familia dos lacértidos, do que existen varias especies, que presenta cores entre o marrón e o verde.

Etimoloxía

O seu nome en latín era inicialmente lacertus, -i, se ben logo mudou en lacartus, desde onde evolucionou a nosa forma actual.

Exemplos *

"Naquela altura traballaba na catalogación dun lagarto centroamericano dos que chaman basilisco …" (Xavier Queipo: Ringside)

"Chegan colorados coma camaróns, porque se poñen na praia mañá e tarde, coma se fosen lagartos …" (Fran Alonso: Galicia Internacional 07-1996)

* As citas da Palabra do Día respectan as escollas ortográficas e morfolóxicas da edición referida.