leite frito

Sobremesa que se prepara cunha masa de fariña e leite que se reboza e se frite

Etimoloxía

Expresión formada polo substantivo “leite” que procede de lacte, co mesmo significado e o adxectivo “frito” que procede frictus, participio pasado de friigo, ‘fritir’.

Exemplos *

“Divagando brevemente acerca da comida das fondas galegas, do papel da comida das fondas galegas, do papel da muller na nosa tradición culinaria, e concluíu pedindo leite frito pra ela e arroz con leite pra el.” (Alfredo Conde: Sempre me matan, 1995)

“O que non perdoou foi a sobremesa: leite frito, o seu favorito.” (Xavier Senín: El Correo Gallego, 18-5-2015)

* As citas da Palabra do Día respectan as escollas ortográficas e morfolóxicas da edición referida.