lucerna

Lámpada de aceite con mecha.

Etimoloxía

Procede da palabra idéntica do latín.

Exemplos *

"-¿Que é isto? -preguntou un, collendo un anaco de barro cóncavo duns quince centímetros.

-É parte dunha lucerna, unha lámpada romana." (Miguel Anxo Murado: Memoria de derribos)

"Cando o home apagou a chama da lucerna, levantouse unha suave brisa mariña." (Xosé Carlos Fernández Caínzos: Os espidos pés do destino)

* As citas da Palabra do Día respectan as escollas ortográficas e morfolóxicas da edición referida.