Paxaro da familia dos túrdidos (Turdus iliacus), de cor parda no lombo, ás e cola, abrancazada con pencas no peito e rubia nos flancos.
Etimoloxía
Parece que nos chegou desde unha forma do francés antigo malvis, probablemente de orixe bretoa.
Exemplos *
"Poucos meses antes de morrer, cando a primavera alborexaba polos montes deixando ouvir o canto do malvís …" (Miguel A. Mato Fondo: Xope de Lilaina)
"… o malvís era vermello e cantaba na primavera, cantaba ás mañás, daba gusto oílos, non había paxaro coma el …" (Emilio Araúxo: Cinsa do vento. Libro da Ribeira Sacra)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
