mamadeira

Recipiente en forma de botella ao que se lle axusta unha peza de goma cun orificio, que se emprega fundamentalmente para darlles de mamar ás crías dos mamíferos.

Etimoloxía

Derivouse a partir do verbo mamar.

Exemplos *

“Eva emitía para o gato un cheiro a leite que se vai perder para sempre, a mamadeira enchida que non vai ser de ninguén.” (Emma Pedreira: Bestiario de silencios)

“Meteume a mamadeira na boca e, cando pensou que ía pór cara de noxo e cuspila, como facía a cotío, abraceime á botella e comecei a chuchar …” (Afonso Eiré: Eu tamén fun coas vacas)

* As citas da Palabra do Día respectan as escollas ortográficas e morfolóxicas da edición referida.