Lente para un só ollo, que se usa encaixada na órbita.
Etimoloxía
Nesta palabra combínase un elemento de orixe grega, mono 'único', coa denominación latina para 'ollo', oculus, –i.
Exemplos *
"Alí estaba, coa súa barba, co seu bigote, co monóculo, un tipo agradable sen dúbida, dramaturgo e novelista ruso…" (Xurxo Sierra Veloso: Os ollos do rei de copas)
"Escribíao nun pequeno caderno de argolas con letras en miniatura que case esixía a utilización de monóculo para a súa lectura." (Alberto Canal: Conexión Tubinga)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.