murchar

Facerlle perder a un vexetal, flor, froito etc. a humidade e a frescura e facelo secar

Etimoloxía

Termo que se crea sobre “murcho” que se cre que procede do latín vulgar *murcidus ‘húmido’.

Exemplos *

“En terra xa había que murcharan os primeiros narcisos. Ventaba do nordés. Moito. E amenceu azul. Azul e frío. Sobre a herba, os narcisos serodios que aínda quedasen, serían moito máis dourados.” (Alfredo Conde: María da Batallas, 2007)

“E por outra banda, con esta calor logo vai murchar. Xa non está tan fresca coma cando a trouxemos.” (Xosé Fernández Ferreiro: Agosto do 36, 1991)

* As citas da Palabra do Día respectan as escollas ortográficas e morfolóxicas da edición referida.