Conxunto de leis que regulan as relacións entre os membros dunha sociedade ou dun país
Etimoloxía
Vocábulo que chega do latín directus ‘recto', 'que segue regras ou ordes preestablecidas’.
Exemplos *
“A nova Lei de dereito civil galega, deste ano 2007, elaborada por 25 notarios, supón a modernización do dereito civil galego adaptado ás necesidades reais da cidadanía.” (María Xosé Queizán: Anti Natura, 2008)
“Terminara a carreira, e aínda que a súa especialidade era o dereito mercantil, comezara a dar os seus primeiros pasos en preitos sobre propiedade nun bufete prestixioso de Madrid.” (Manuel Portas: Un dedo manchado de tinta, 2011)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
