O espírito olímpico, conxunto de valores e ideais propios dos xogos olímpicos / A actividade olímpica, os xogos olímpicos
Etimoloxía
Voz tomado do francés olympisme, formada desde Olympie 'Olimpia', a sede dos xogos olímpicos na antigüidade ao que se lle engadiu o sufixo -isme '-ismo'.
Exemplos *
“Non foi até 1920 cando tres futbolistas, Moncho Gil, Luís Otero e Ramón González, escribiron as primeiras liñas da historia do olimpismo galaico en Amberes (Bélxica), de onde volveron cunha medalla de prata colgada dos pescozos.” (Héctor Pena: Nós Diario, 24-10-2023)
“A prata de David Cal, se cadra o deportista do que se agardaba medalla de antemán, confírmao como a figura máis importante non só do olimpismo galego senón de todos os tempos no Estado español.” (Antón Escudero: Sermos Galiza, 17-8-2012
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
