oliváceo -a

De cor próxima á da oliva verde.

Etimoloxía

Deriva de oliva, que herdamos da forma idéntica do latín, que designaba tanto a árbore coma o froito.

Exemplos *

“… a súa pel, branca como unha antiga porcelana, tiña un matiz máis oliváceo do esperado.” (Manuel Forcadela: Fóra de xogo)

“A solla […] É de pequeno tamaño co corpo comprimido, oval ou elíptico, cos ollos no mesmo lado do costado e unha cor parda olivácea na cara superior.” (Mariano García e Fina Casalderrey: Festas gastronómicas de Galicia. Festas, receitas, calendario e puntos de interese turístico)

* As citas da Palabra do Día respectan as escollas ortográficas e morfolóxicas da edición referida.