orfeón

Grupo ou sociedade de canto coral.

Etimoloxía

Chegounos do francés orphéon, termo que se creara partindo no nome de Orfeo, músico célebre da mitoloxía grega.

Exemplos *

"En 1872 fúndase o orfeón Ecos de Galicia, e en 1878 xorde no ámbito cubano a prensa galega …" (Carlos Sixirei Paredes: A emigración)

"Este compositor nacionalista, organista, mestre de orfeóns, director de bandas de música, desenvolve unha febril actividade que o consagra como a culminación da música galega de tódolos tempos." (Avelino Abuín de Tembra: O Correo Galego 23-05-1999)

* As citas da Palabra do Día respectan as escollas ortográficas e morfolóxicas da edición referida.