organista

Músico que toca o órgano.

Etimoloxía

Termo que deriva do substantivo órgano que chegaría desde o latín organum, –i 'instrumento' que viría do grego órganon 'instrumento', pero tamén 'órgano fisiolóxico'.

Exemplos *

"Ao organista de Iria, un músico vello de enterros e festas, bo bebedor, forte, roxo, de moita sona en toda a terra de Padrón, viráraselle o sentido." (Xosé Filgueira Valverde: Quintana viva)

"Traballou como músico de cámara e organista na corte." (Xosé Carlos Caneiro: Un xogo de apócrifos)

* As citas da Palabra do Día respectan as escollas ortográficas e morfolóxicas da edición referida.