Médico especialista en otorrinolaringoloxía
Etimoloxía
Voz tomada do francés otorhinolaryngologiste de significado semellante e que se forma con vocábulos gregos ōt(o)- 'oído'; rhīn(o)- 'nariz'; laryng(o)- 'larinxe' máis -log(o)- 'especialista en'.
Exemplos *
“Ana Faraldo García, otorrinolaringóloga da área sanitaria de Santiago, foi nomeada presidenta da Nova Xunta Directiva da Sociedade Galega de Otorrinolaringoloxía e Patoloxía Cérvico-Facial.” (Antía Suárez: El Correo Gallego, 4-5-2024)
“Sofía Ferreira Cendón, doutora en medicina pola Universidade Central de Venezuela, quen está finalizando a súa especialidade como otorrinolaringóloga no Hospital Universitario de Salamanca.” (AA.VV.: Lonxe da terriña, 19-6-2022)[visto: 20-1-2026]
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
