ourizada

Gran cantidade de ourizos

Etimoloxía

Palabra creada sobre o vocábulo “ourizo” que viña da denominación latina ericlus ‘ourizo’.

Exemplos *

“(...)«cando se abalaban os castiñeiros, se facía unha ourizada, e ademais das da época se deixaban castañas para Nadal e Reis, e se vendían as pilongas».” (O.P. Arca: La Voz de Galicia, 26-9-2014)

“E estaba á espreita. Deixounos facer unha boa ourizada, e que amorearan as castañas. E cando xa tiñan o traballo feito, apareceu el, en sotana, inmenso, como se arrastrara a boca da noite. A tronar. ¡Unha vez ladróns, ladróns sempre!” (Manuel Rivas: Os libros arden mal, 2006)

* As citas da Palabra do Día respectan as escollas ortográficas e morfolóxicas da edición referida.