Parte interior da man, desde o pulso ata os dedos.
Etimoloxía
Esta forma procede da denominación idéntica que tiña no latín, palma –ae.
Exemplos *
“A man de Dora, coa palma cara arriba, pídelle ao técnico de son que vaia subindo o volume da música.” (Manuel Portas: Denso recendo a salgado)
“Fixen rabiar a unha formiga. Corría sobre a palma da man e, cando chegaba ao final, xa estaba aí a outra man e logo a anterior de novo. Ela pensaría que era sempre a mesma ou que eran vinte diferentes, sendo como eran só as miñas dúas mans.” (Xavier Lorenzo Tomé: O paxaro que canta un nome)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.