Fórmula que se emprega para felicitar a alguén
Etimoloxía
Voz froito da fusión da preposición “para” e a voz “ben” que vén do latín bene de significado semellante.
Exemplos *
“Ademais de felicitar a existencia dunha obra que se incorpora á literatura galega universal escrita en galego, ternos que darlle os parabéns a quen fabrica soños e pon imaxinación en tempos de incerteza.” (Ana Luna Alonso: Tempos Novos, nº 30, 7-2018)
“E tamén hei solicitar a Merlín o seu parabén, e deixareille, como agradecemento ós seus coidados por min, algúns dos feitizos da miña terra.” (Eva Moreda Rodríguez: Breogán de Guisamonde o Cabaleiro da Gaivota, 1997)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.
