parte

Comunicación de calquera tipo transmitida polo telégrafo, teléfono, radio ou televisión.

Etimoloxía

Chegou desde o latín pars –tis ‘porción dun todo’.

Exemplos *

“… colleran a un dos fuxidos que aínda quedaban pola Peroxa, por onde andaran Claudio e Pedro anos atrás, e non o dixeron os xornais, nin a radio, que eles na casa sempre escoitaban o parte.” (F.X. Fernández Naval: O bosque das antas)

“… unha modesta radio, significou durante moito tempo a principal atracción da sobremesa, nesa consabida hora do parte …” (Camilo Franco: A lúa no cénit e outros textos)

* As citas da Palabra do Día respectan as escollas ortográficas e morfolóxicas da edición referida.