pasodobre

Baile de parella de orixe española e militar, que presenta un ritmo alegre e vivo.

Etimoloxía

Procede do castelán, onde se formou pola combinación de paso e doble 'dobre'.

Exemplos *

"E Herbal arranxa a bicicleta e pedalea asubiando feliz un pasodobre de xílgaro, co seu lapis vermello na orella." (Manuel Rivas: O lapis do carpinteiro)

"En canto chegue á casa ninguén a salva de bailar un pasodobre comigo …" (Luís Rei Núñez: Expediente Artieda)

* As citas da Palabra do Día respectan as escollas ortográficas e morfolóxicas da edición referida.